120 ECTS gainditua dituzten Kazetaritza, Ikus-entzunezko Komunikazioa, Publizitatea eta Harreman Publikoak  eta KA+PU eta KO+KA gradu bikoitzetako ikasleek EITB multimedia taldean praktikak egiteko aukera izango dute 2026ko urritik 2027ko abuztuaren 31ra arte.

Plaza kopurua: 11

Praktikak ondoko egutegi eta asteroko ordutegiarekin garatuko dira:

• 2026/10/01-2027/05/31 – 20 ordu astean
• 2027/06/01-2027/8/31 – 35 ordu astean

Garrantzitsua: ez dira bi plaza ezberdin, onuradun bakoitzak praktikaldi osoa egingo du; hortaz, plaza bakoitza 11 hilabetetan garatuko da.

Onuradunei Gizarte Segurantzan alta emango zaie eta jasoko dituzte:

• hilean 550 euro (astean 20 orduko aldian daudenean)
• hilean 750 euro (astean 35 orduko aldian daudenean) 

Eskatzaileek C1 maila edo plaza batzuetan euskarazko C2 maila egiaztatuta izan beharko dute (kontsultatu norakoen taula). Eskaera egiterakoan eskatutako C1 edo C2 maila agiri bidez egiaztatu ezin badute, EITBk maila-proba bat egingo die ikasleei.

Interesa duten ikasleek honako prozedura jarraitu behar dute:

• ESKAERA-GALDETEGIA bete (eskuragarri egongo da 2026ko irailaren 2tik 16ra bitartean)
• Galdetegiaz gain, honako dokumentuak bidali behar dira gkz.praktikak@ehu.eus  helbidera:

1. CVa eta portfolioa (euskaraz). Portfolioa link baten bidez egon beharko da jasoa CVan
2. Euskara ziurtagiria (baldin badute)
3. Nortasun agiriaren kopia (alde bietatik)

Eskaera egiteko epean zehar bidalitako dokumentazioa bakarrik hartuko da kontuan; hau da, irailaren 2tik 16ra bitartean bidalitakoa. Ez dira aintzat hartuko data horien aurretik edo ondoren jasotako dokumentuak dituzten mezuak.

Dokumentazio osoa aurkezten ez duen eskaera oro hautaketa-prozesutik kanpo geratuko da.

• 2026ko irailak 16