Gonbidapen gutuna

Gonbidapen gutuna Espainiako Polizia Nazionalak ematen duen dokumentu ofiziala da, eta egiaztatzen du atzerritar bat gonbidatzen duzula zure etxebizitzan ostatu hartzera gehienez 90 eguneko epean Espainian.

Ez du bisa ordezten, baina gonbidatuak dokumentu hori aurkez dezake bisa eskatuko duen kontsuletxean ostatua justifikatzeko. Gutunak ez du bermatzen bisa emango denik.

Anfitrioiak gonbidapen gutuna jaulkitzeko baimena eskatu behar du erroldatuta dagoen lekuko polizia etxean.

Baimena jaso eta tasa ordaindu ondoren, Poliziak baimen orijinala jaulkiko du, sinatuta eta zigilatuta, eta gonbidatuak pasaportearekin eta sartzeko gainerako eskakizunekin batera aurkeztuko du bisa izapidetuko duen kontsuletxean eta/edo mugako kontrolean Espainiara iristean.

Garrantzitsua da kontuan izatea gonbidapen gutunaren izapidetzea ez dela berehalakoa. Hau da prozesua: aldeko ebazpena; jaulki, eman eta jasotzea; eta erabiliko duen pertsonari bidaltzea.

Gonbidapen gutunak ez du gonbidapen egilea erantzukizunik gabe uzten. Izan ere, gonbidatua Espainian egoera irregularrean geratuko balitz edo arau hauste larri bat egingo balu, anfitrioiak zigorra jaso lezake ezkutuko immigrazioa sustatzeagatik (4/2000 Lege Organikoaren 54. eta 57. artikuluak).