Erasmus+ programako irakasle eta ikertzaileen (IRI) prestakuntzarako mugikortasunaren helburua da prestakuntza-jarduerak egitea erakunde bazkide den goi-mailako hezkuntzako erakunde batean edo enpresa nahiz bestelako erakunde batean. Prestakuntza hori hainbat modalitateren bidez gauza daiteke, hala nola Erasmus+ Staff Weeken, Blended Intensive Programme (BIP) programen edo lan-behaketaren (job shadowing) bidez. Mugikortasun honek ez du barne hartzen kongresuetara, biltzarretara edo izaera orokorreko bestelako ekitaldietara joatea, ezta helmugako erakundearekin adostutako eta mugikortasun-akordioan jasotako lan-plan zehatz baten arabera antolatu ez diren jardueretan parte hartzea ere.

Mugikortasun-modalitate honen helburu espezifikoak honako hauek dira:

• Irakasleen etengabeko ikaskuntza eta garapen profesionala sustatzea, beren ibilbide akademiko osoan zehar.
• Irakasleen nazioartekotzea bultzatzea, Europako Goi Mailako Hezkuntzaren Esparruaren barruan.
• Erakunde bazkideetako lan-metodoei eta ingurune profesionalei lotutako esperientzien trukea eta jardunbide egokien behaketa sustatzea.
• Irakaskuntza- eta ikerketa-jarduerak garatzeko beharrezkoak diren gaitasunak eta trebetasunak hobetzea.
• Erakunde bazkideekin dauden harreman instituzionalak eta lankidetza indartzea.
• Nazioarteko testuinguruetan jarduera akademikoak eginez atzerriko hirugarren hizkuntza batean hizkuntza-gaitasuna indartzea.

Horrenbestez, modalitate honen xedea da parte-hartzaileen garapen profesionalera eta gaitasun berriak eskuratzera bideratutako prestakuntza-jarduerak egitea. Erasmus+ ekintza honen esparruan, ikerketa-jarduerak ez dira diruz lagungarriak, eta, beraz, ez dute justifikatzen ez egonaldiaren interesa ezta helmugan egindako jarduerak ere. Aldiz, ikerketarako prestakuntzarekin lotutako jarduerak onargarriak dira.

Informazio gehiago nahi izanez gero, idatzi helbide honetara: nazioartekoak.staff@ehu.eus.