Course on Intercultural Competences 2023

Irudia

Beste herrialde batean ikasten dugunean, beste gizarte-testuinguru batean kokatzen gara, norberarenetik oso bestelakoan. Horrek eragina dauka gure izaeran, gure jarreran, emozioen orekan eta gizartean moldatzeko eran, eta, aldi berean, hori guztia besteekin ditugun harremanetan islatzen da.

Horregatik, ezinbestekoa da bestelako kultura batean murgilduko den ikasleak kulturarteko gaitasunari buruzko prestakuntza burutzea;  lengoaia, paradigma eta kulturarekin zerikusia duten estrategiak gara ditzan hain desberdinak izan daitezkeen egoerak ulertu eta bereganatzeko.

Zertan izan daiteke lagungarri ikastaro hau egitea?

Ikastaro trinkoa da, 30 ordukoa, eta komunikazioaren, kulturaren eta prestakuntzaren arloko gaitasunak landuko dira ikasleak beste herrialde horretan biziko duen esperientziaz probetxua atera dezan, bai arlo pertsonalean, bai ikasketen arloan.

Kulturarteko eta komunikazio gaitasun horiek hobetzeak hizkuntza trebetasuna garatzea ekarriko du, baina horrez gain, beste pentsamoldeetako jendea hobeto ulertzeko eta aniztasunean ikasteko, lan egiteko eta harremanak lantzeko lagungarri ere izango da.

Gaitasun horiek lantzea garrantzitsua da beste herrialde batean egonaldia egiteko, baina horrez gain, garrantzitsua izango da lan munduan sartzeko, mota honetako prestakuntza gero eta gehiago hartzen baitute kontuan ikuspegi globala duten enpresek.

Ikastaro hau egiteak “Nazioarteko sakontze aipamena” lortzeko lehenengo baldintza betetzeko aukera ematen du.

Zer ikasiko dugu?

Ikastaroak 6 saio ditu eta guztien ardatza izango dira pertsonen arteko harremanak gizartea eta kultura, eta taldeen arteko hartu-emanak ere landuko dira. Norbere burua eta beste batzuek ezagutzea, emozioak gobernatzea, estereotipoak eta aurreiritziak eta besteekiko usteak eratzen ditugunean gugan eragiten duten mekanismoak antzematea... horiek izango dira landuko ditugun gaietako batzuk.

Bestalde, bete betean bizi ahal izateko beste herrialde bateko kultura, nahitaezkoa da kulturen arteko prozesuek duten garrantzia ulertzea. Gure eguneroko bizitzan eragina daukaten gauzak antzematea lagungarri izango dugu esperientzia hobeto geureganatzeko, eta eragina daukaten gauza horietako batzuk dira musika, literatura, zinema, komunikabideak, telebista, gizarte sareak, moda, gastronomia... horien bidez hobeto ulertuko dugu beste herrialde hori.

Ezin dugu ahaztu ere zein garrantzitsuak diren kulturen arteko komunikazioak dituen ezaugarriak eta komunikazio hori eraginkorra izateko estrategiak, bai interakzio sozialaren bidez, bai hizkuntzaren bidez. Horrela hobeto egingo ditugu geure trebeziak, eta beste kultura batean ikastean bizi izango ditugun egoeretan gure komunikazioa eraginkorragoa izango da.

Hori guztia lortzeko, bada, ikastaro hauen dinamika ahozkoan oinarrituko da eta aktiboa izango da, guztion parte hartzera bideratua.

Nori zuzenduta dago?

UPV/EHUko graduko eta masterreko ikasleei zuzendua dago, beste herrialde batera joango direnak ikastera edo praktikak egitera UPV/EHUk trukerako izango dituen hitzarmen edo programen bidez.

Plaza librerik egonez gero, egonaldietarako oraindik onartua ez dagoen edo inoiz egonaldirik egin ez duen ikaslerik ere onartuko da.

Ikastaroa egiteko nahitaezkoa da ingeleseko B2 ziurtagiria izatea, ikastaroa hizkuntza horretan emango baita oso osorik.

Plaza kopurua mugatua denez, goian zehaztutako irizpideei eta izena emateko hurrenkerari jarraituz esleituko dira lekuak, guztiak bete arte:

  • Azkenengo mailako Gradu edo Masterreko ikasleak, zeintzuk UPV/EHUko mugikortasun programa batean parte hartu duten eta ez dituzten egin edo matrikulatu 15 ECTS atzerriko hizkuntzan euren Gradu edo Masterrean.
  • Azken-aurreko mailako Graduko edo Masterreko lehenengo mailako ikasleak, zeintzuk UPV/EHUko mugikortasun programa batean onartuak izan diren 2023-2024 ikasturterako eta euren Gradu edo Masterrean 15 ECTS atzerriko hizkuntzan egin edo matrikulatzeko aukerarik ez daukaten.
  • Gradu edo Masterreko ikasleak, zeintzuk UPV/EHUko mugikortasun programa batean onartuak izan diren 2023-2024 ikasturterako eta euren Gradu edo Masterrean 15 ECTS atzerriko hizkuntza egin dituzten edo egiteko aukera dituzten.
  • Gradu edo Masterreko ikasleak.

Beharrezkoa balitz, berdinketa hausteko irizpide moduan eskatzaileak “Buddy” programan parte hartu izana edo parte hartzen egotea balioetsiko da.

Non, noiz eta zein ordutegitan emango da ikastaroa

Ikastaroa online emango da.

Datak: otsailaren 24tik martxoaren 11ra arte (biak barne).

Ordutegia: ostiralak 15:00etatik 20:00etara eta larunbatak 9:00etatik 14:00etara

Izena ematea eta matrikula

Matrikula 40 euro dira, eta barne dago materiala.

Ondo irakurri jarraibideak, izena ondo emateko eta matrikula zuzen egiteko.  Behin matrikula eginda, ez da, inola ere, dirua itzuliko.

Izena ematea

Izena emateko galdetegoa behar bezala bete eta ingeleseko B2 ziurtagiria edo maila handiagokoa erantsi (galdetegiko 13. puntuan).

Mugikortasun programa batean parte hartu duten ikasleek ziurtagiria erantsi behar  dute eta mugikortasun programa batean parte hartuko duten ikasleek onarpen-agiria erantsi behar dute (galdetegiaren 11.d. puntuan). Halaber, “Buddy” programan parte hartu dutenek ziurtagiria gehitu behar izango dute (galdetegiaren 14. puntuan).

Izena emateko epea urtarrilaren 9tik 29ra izango da.

Esteka honetan bete dezakezu eskaera egiteko galdetegia. (urtarrilaren 9tik aurrera eskuragarri egongo da)

Otsailaren 8tik aurrera jakinaraziko da eskaria onartuta dagoen.

Matrikulazioa

Behin eskaria onartuta, matrikula ordaindu behar da, 40 euro, banku transferentzia bidez: KUTXABANK: ES97 2095 0292 9932 3900 3884.

Kontzeptuan idatzi: Izen-abizenak - Intercultural Competences ikastaroa.

Behin ordainketa eginda, ordainagiria posta elektronikoz bidali competenciaintercultural@ehu.eus helbidera, mezuaren gaian jarrita: Matrikula_izen-abizenak_aukeratutako Campusa.

Ordainketa egiteko azken eguna: otsailaren 15a. Ordainketa egin ezean, baliogabetu egingo da matrikula.

Akreditazioa

Bertaratzea nahitaezkoa da, eta huts egiteek, edozein izanda ere arrazoia, ezin izango dute gainditu ikastaroko orduen %15.

Ziurtagiria lortzeko bertaratze irizpidea bete beharko da.

Ikastaro hau egiteak “Nazioarteko sakontze aipamena” lortzeko lehenengo baldintza betetzeko aukera ematen du.

Aldi berean, ikastaroa eginda gehienez ere 1 ECTS lortu ahal izango dira UPV/EHUko graduko ikasketetan (informazio zabalagoa kredituen aitorpenari buruz: web gunean).

Ikastaro honetako ziurtagiria lortzeko joan ikastaro osagarrien web gunera; bertan dituzu jarraibideak.

Informazio gehigarria lortu nahi baduzu, jarri harremanetan gurekin. Harremanetarako kontaktua: