Hartzaileak

2025-26 ikasturtean mugikortasun programa batean parte hartuko duten gradu, master eta doktoregoko ikasleak.

Dirulaguntza

Onuradun bakoitzeko 300 euroko laguntza hilean, 1-5 hilabetez ikasleen kasuan eta 15 egun eta 5 hilabete bitartekoak doktoreentzat. Diru laguntzak bidaiaren iraupenarekiko proportzionalak dira. Euroeskualde beka beste ikasketa finantziazio mota batzuei gehitu dakieke (Erasmus+, doktorego beka, esaterako).

Harrerako unibertsitate-zentroak

Mugikortasuna Akitania-Berriako unibertsitate-zentro hauetako batean egin behar da:

• Université de Bordeaux (Bordele)
• Université Bordeaux Montaigne (Bordele)
• Université de Pau et des Pays de l'Adour (campus de Pau, Bayonne, Anglet et Mont-de-Marsan)
• Université de La Rochelle
• Université de Poitiers
• Université de Limoges
• Sciences Po Bordeaux (Bordeleko Zientzia Politikoen Institutua)
• Bordeaux Sciences Agro (Bordeleko Zientzia Agronomikoen Eskola)
• Bordeaux INP (Bordeleko Institutu Nazional Politeknikoa)
• ENSAM (Arte eta Lanbideen Goi Eskola Nazionala)
• ESTIA - Industria Teknologia Aurreratuen Goi Eskola (Bidarte)
• EnsapBx (Bordeleko Arkitektura eta Paisaien Goi Eskola Nazionala)
• Kedge Business School (Bordele)
• EbaBx (Bordeleko Arteko Goi Mailako Irakaskuntzako Eskola)
• ISAE-ENSMA - Mekanikako eta Aeroteknikako Goiko Nazio-Eskola (Poitiers)
• ESC Pau BS (Paueko Buisness School ikastetxeko Komertzio Goi-Eskola)
• CY Tech Excelia Group (La Rochelle)
• EIGSI (Arroxelako Industria Sistemen Ingeniaritzako Ingeniaritza Eskola) 
• ENSCI (Limoges)
• 3iL (Limogeseko Ingeniaritza Informatikoko Institutua)

Eskabideen egutegia

Deialdia irekita egongo da:

• IKASLEENTZAT: Urriaren 1era arte. Eskaerak formatu elektronikoan aurkeztu behar dira 2025/07/01etik 2025/10/01era bitartean.
• DOKTOREGAIENTZAT: Urte osoan zehar. Eskabideak urte osoan zehar aurkez daitezke.

Mugikortasun hautagarriak

• IKASLEENTZAT: ikasketa-egonaldiak, hau da, ikaslea matrikulatuta dagoen unibertsitateaz bestelako unibertsitate batera joatea ikastera (ez dira sartzen enpresetako praktikak).
• DOKTOREGAIENTZAT: ikerketa-egonaldiak, hots, doktoregaiak bere titulua lortzeko beharrezkoa den ikerketa egitea, unibertsitate bati lotutako unibertsitate, laborategi edo ikerketa-institutu bateko tutore akademiko baten ikuskaritzapean.

Mugikortasunaren iraupena

• IKASLEENTZAT: Seihileko bat edo ikasturte oso bat.
• DOKTOREGAIENTZAT: Gutxieneko iraupenik gabe eta gehienez urtebete.

* EHU-KO KONTAKTUA: international@ehu.eus 

Informazio zehaztuagoa: AECT EUROESKUALDEKO AQUITANIA BERRIA EUSKADI NAVARRA