Eleaniztasun Plana 2005-2006 ikasturtean jarri zen abian gure irakaskuntza-eskaintzan atzerriko hizkuntzen erabilera bultzatzeko helburu orokorrarekin. Helburu zehatzak, laburbilduz, honako sei hauek dira:

• Euskal Autonomia Erkidegoan bigarren hezkuntzan zenbait irakasgai ingelesez irakasteko ezarri diren eleaniztasun-proiektuei jarraipena ematea.
• Ikasleek hizkuntzen arloan duten prestakuntza hobetzea, Europako Unibertsitate Eremuan errazago mugi daitezen.
• Atzerriko hizkuntzetan emandako hitzaldi, sinposio eta bestelako jarduerak bultzatzea. Planaren helburua ikasleek hizkuntz gaitasuna izatea da, irakasle bisitariei eta atzerriko argitalpenei etekinik handiena atera ahal izateko.
• Ikasleen lan-munduratzea erraztea, izan ere, atzerriko hizkuntzen ezagutza balio erantsi bilakatu baita.
• Nazio barruko zein nazioarteko truke-programen bidez jasotzen ditugun ikasleen irakaskuntza-eskaintza zabaltzea. Atzerriko hizkuntzen eskaintza atzerriko ikasleak erakartzeko elementu garrantzitsu bilakatu da.
• Irakasleak nazioartekotu daitezen bultzatzea, euren ibilbide profesionala hobetzeko, bai irakaskuntzaren arloan, bai ikerketaren arloan.

Plan honek UPV/EHUko ikasleek ingelesa/frantsesa ez ezik, espezialitate bakoitzaren hizkuntza espezifikoa ere ikastea ahalbidetuko du. Horrez gain, ikasleek nazioarteko mugikortasun-programetan parte har dezatela erraztuko du. Azkenik, azpimarratu behar da, plan honen barruan egindako irakasgaiak curriculum akademikoan jasoko direla.

Eleaniztasun Planaren ekintzak

Harremanetarako

Informazio zehatzagoa edukitzeko, 945013437 telefonora deitu edo eleanizt@ehu.eus helbidera idatzi.