Taldearen ikerketaren helburu nagusia molekula eta intereseko fragmentu molekularrak modu eraginkor, selektibo eta ahalik eta jasangarrienean eraikitzea ahalbidetuko duten metodologia sintetiko berriak garatzea da. Hiru kontzeptu horiek —eraginkortasuna, selektibitatea eta jasangarritasuna— funtsezkoak dira, eta gure ikerketa-ildo guztietan zeharreko izaera dute.

Balio erantsi gisa, taldean garatutako metodologiek frogatu dute erabilgarriak direla potentzial farmakologikoa duten molekula bioaktiboen sintesian; izan ere, hori ere epe laburreko gure helburu estrategikoetako bat da, proposamen honetan zehazten den bezala. Horrez gain, tresna konputazionalak erabiltzen ditugu esperimentalki aztertutako erreakzioen mekanismoak ulertzeko. Bai azterketa mekanistikoa, bai interes farmakologikoa duten konposatuen lorpena, gure ikerketa-ildo guztietarako zeharkako eta helburu komun gisa hartzen dira.

Ikerketa-taldea 2015ean sortu zuten Jesús M. Aizpurua irakasleak, Enrique Gómez Bengoa irakasleak eta Arkaitz Correa doktoreak. 2016az geroztik, Eusko Jaurlaritzaren Ikerketa Talde Finkatuen deialdiaren bidezko finantzaketa jaso du. 2022an, Rosa López Álvarez doktorea taldean sartu zen. Era berean, Maialen Sagartzazu doktorea, aurretik taldeko ikertzaile doktorego-ondokoa izan zena, Irakasle Laguntzaile Doktore (ILD) da 2025az geroztik.