News and Events

null

NBE 2030 Agenda. “17+1 Helburu gure mundua eraldatzeko” erakusketa Leioan

First publication date: 05/11/2018

Leioako Udaleko Hezkuntza eta Partaidetza Sailak eta UPV/EHU-ko Munduko Hizkuntza Ondarearen UNESCO Katedrak 2030 urteari begira garapen iraunkorrerako markatu diren helburuei buruzko erakusketa interesgarri bat eskaintzen dute.

Erakusketa Leioako Ondiztorren (Independentzia kalea, 21) azaroaren 5 eta 16 bitartean egongo da, ikastetxe eta interesa eduki lezakeen pertsona ororentzako bisita gidatuak hiru hizkuntzatan eskainita (euskaraz, gaztelaniaz eta ingelesez), astelehenetik ostiralera, ondoren aipatzen diren ordutegietan:

• 09:00etatik 12:00etara
• De 18:00etatik 20:00etara

Ekitaldiaren helburua Leioako herriari eta bereziki ikasleei Nazio Batuen 2030 Agendako 17 Garapen Iraunkorrerako Helburuak ezagutaraztea da; horiei UPV/EHU-ko Munduko Hizkuntza Ondarearen UNESCO katedrak bat gehitu du (+1), hizkuntza eta kultur aniztasunaren bermea, alegia.

Garapen iraunkorrerako helburuak zeintzuk diren erakusteko 17 + 1 ilustrazio aurkeztuko dira, bakoitza helburu batekin lotuta. Lehenengo 17 ilustrazioak Euskal Herriko UNESCO Etxea-ren mailegua dira; berariaz egindako lehiaketa baten bidez sortu ziren. Hamazortzigarrena Donostiako Easo Politeknikoak Usandizaga BHI-ko ikasleen arteko lehiaketa batean aukeratu zen.

Bisita gidatu guztiz aholkagarria, ikastetxeentzat ez ezik, familientzat ere bai. Informazio gehiago nahi izanez gero 94 607 25 76 telefonora deitu.

With the support of

Azkue Fundazioa - Fundación Azkue - Azkue Foundation Eusko Jaularitza, Kultura Saila - Gobierno Vasco, Departamento de Cultura - Basque Government, Culture Department  Agencia Española de Cooperación Internacional para el Desarrollo Elorrioko Udala