Euskarazko Ikasmaterialgintza eta Eskuliburugintza sustatzeko Deialdia (2025)
Deialdiaren helburua eta modalitateak
Deialdi honen helburu nagusia da EHUko irakasleen euskarazko irakaskuntzarako testuen ekoizpena sustatzea eta testu horien hizkuntza-zuzentasuna eta -egokitasuna bermatzea.
Ikasmaterialak eta Eskuliburuak sortuko dira deialdi honen bitartez. Bai ikasmaterialen kasuan, bai eskuliburuen kasuan, bi modalitate hauek ditu deialdiak:
- A modalitatea: Ikasmaterial edo eskuliburu berriak sortzea eta argitaratzea da modalitate honen helburua. Zortzi hilabete inguruko epea ematen zaie egileei modalitate honetako testuak sortzeko.
- B modalitatea: Lehendik sortuak diren ikasmaterialak edo eskuliburuak zuzentzea/gaurkotzea eta argitaratzea da modalitate honen helburua. Kasu honetan, bi hilabete inguruko epea ematen zaie egileei beren lana aurkezteko.
Egitasmoen bidalketa
NOLA BIDALI: Deialdi honi atxikitako inprimakiak erabili behar dira, eta EHUko Erregistro elektroniko orokorrean aurkeztu behar dira.
ZER BIDALI: Deialdi honekin batera argitaratzen den I. eranskina (lanaren lagina barne, 4.200 karaktere ingurukoa) kasu guztietan, eta II. edo III. eranskina eskuliburu-formatukoetan.
AURKEZPEN-EPEA: 2025eko azaroaren 21etik abenduaren 18ra bitartean.
Lanaren lagina:
- A modalitatean, lanaren laburpen bat (aurkibideak ez dira onartuko lagin gisa), eta
- B modalitatean, lanaren lagin bat eta aurkibidea.
Harremanetarako helbidea: argitaletxea.deialdiak@ehu.eus