Beka horien bidez, bikaintasuneko prestakuntza, nazioz gaindiko mugikortasuna, desgaitasuna duten ikasleak enplegagarritasun bereziko arloetan espezializatzea eta kirol-prestakuntza sustatu nahi dira. Bestalde, beren talentuaren potentzial guztia aprobetxatu nahi da, eta desgaitasuna duten unibertsitate-ikasleen karrera akademikoa eta ikertzailea bultzatu, kualifikazio handiko enpleguetan laneratzea sustatuz.

Programan jasotako bekak eta laguntzak eskatu ahal izango dituzte espainiar nazionalitatea eta legez onartutako % 33ko edo gehiagoko desgaitasuna duten eta deialdiaren oinarrietan ezarritako baldintzak betetzen dituzten ikasle eta unibertsitate-tituludun guztiek.

Master, nazioarteko mugikortasun, lanbide heziketa eta ikasketa eta kirol beketarako eskabideak ONCE Fundaziora bidali beharko dira deialdia argitaratzen denetik irailaren 30era arte. Doktoretza eta ikerketa beketarako eskabideak ONCE Fundazioari zuzendu beharko zaizkio deialdia argitaratzen denetik urriaren 10era arte.

Informazio gehiago: esteka