Irailaren 25ean Bilbon UPV/EHUk duen Bizkaia Aretoan banatuko dira <Euskal Dantza, tradiziotik sorkuntzara> Ikasketa Osagarrien lehenengo diplomak. Horretarako 25 ikasle egon dira 2016-17 urtean zehar maila teorikoan eta praktikoan hausnarketa egiten gaur egun tradiziozko euskal dantzaz eta musikaz adituak diren maisuekin:
- Oier Araolaza
Mikel Laboa katedrako (EHU) ikertzailea eta Dantzan.eus-en koordinatzailea - Sabin Bikandi
Etnomusikologian doktorea eta Aiko taldeko dantza-maisua eta musikaria - Jon Maya
Kukai konpainiaren zuzendaria eta dantzaria - Iñaki Irigoien
Folklore ikertzailea eta EDBren sustatzailea - Iñaki Goirizelaia
EHUko Errektorea eta Amilotx dantza taldeko zuzendaria - Patxi Laborda
Bilbao Musikako euskal dantza irakasle eta Aiko taldeko kidea - Claude Iruretagoyena
Maritzuli konpainiako zuzendaria eta dantza-maisua - Johane Etxebeste
IDBko dantza-irakaslea - Jon Iruretagoyena
Maritzuli konpainiako zuzendari-ordea eta dantza-maisua - Juan Antonio Urbeltz
Folklore ikertzailea eta Argia taldearen zuzendaria
Unibertsitatean etengabeko prestakuntza moduan dantza ikasketak barneratzeko, hausnarketa sakona egin behar zen eta honegatik saio berezia antolatu zen 2017.eko Martxoan. Horren laburpena hemen bideo honetan dugu:
2016-17, EUSKAL DANTZAK, Tradiziotik sorkuntzara Mintegian, Bilbon
Irudia: Jean Baudet-Baionako Euskal Museoa
Gurutze Ezkurdia Doktoreak eta UPV/EHUko Magistaritza Eskolako Zuzendariak kudeatu du ikasketa osagarrien edizio hau, 2016-17 ikasturtean Unibertsitatean dena sortzear baitzegoen. Saiorik gehienak Bizkaiko Campusean izan dira, Magistaritzako Eskolak Leioan duen azpiegitura aprobetzatzeko. Horrez gainera astebururen batean aparteko ekitaldiak egin dira Iparraldean, herrietako dantza-protagonistekin bat egiteko. Hau guzti hau egiteko Bizkaiko Foru Aldundiaren Kultura Saileko diru-laguntza izan da eta honegatik gaurko diploma banaketaren ekitaldi publikoan Lorea Bilbao Euskara eta Kulturako Foru Diputatua izango da UPV/EHUk Bilbon duen Bizkaia Aretoan.
NOIZ: arratsaldeko 7etan (Irailaren 25ean)
NON: Bilbon, Bizkaia Aretoan (Abandoibarra etorbidea 3)
+INFO
2017-18 ikasturtera begira Gipuzkoako Campusean sortuko da ikasle talde berria, Donostiako Magistaritza Eskolako azpiegitura erabiliz eta horren berri laster UPV/EHUren Ikasketa Osagarrien ataleko webgunean zabalduko da.
http://www.ehu.eus/eu/web/ehukultura-bizkaia/euskal-dantza
Deje una respuesta