Errektorearen agurra
Karguan 100 egun betetzearekin, errektoretzaren berripaperra estreinatu dugu, unibertsitateko komunitate guztia aldizka informatzeko eskuartean ditugun erronka eta proiektuen inguruan. Hasiera bizia izan da; baita emankorra ere. Taldea osatzearekin batera, lankide askoren leku-aldatzea izan dugu unibertsitatean lan eskaintza publikoaren ondorioz. Halaber, hasi gara denon artean bideak urratzen agintaldiko helburuetarantz. Gobernantza eredu berri bat praktikara eramaten. Entzuten eta erantzuten, EHUko kidegoa nahiz erakunde eta eragile bidelagunak. Eskerrik asko aldaketa garai honetan transmititutako jarrera eraikitzailearengatik. Konpromisoak betetzeko indartsu eta ilusioz beterik gaude.
