UPV/EHUk bat egiten du #UnArbolporEuropa kanpainarekin, tokiko iraunkortasunarekin eta Europako baso-soiltzearen aurkako borrokarekin duen konpromisoaren sinbolo gisa, eta Arboretumetik ibilbide bat egitera gonbidatzen zaitu, Basoen Eguna ospatzeko.

Ibilbide gidatu honetan, gure Arboretumak gordetzen dituen zuhaitz-espezieen aniztasuna aztertzeko aukera izango dugu, baita basoek gure planetaren osasunean eta giza ongizatean duten funtsezko zereginaz ikasteko ere. Gainera, bi zuhaitz landatuko ditugu eta #UnArbolporEuropa kanpaina bertatik bertara ezagutzeko aukera izango duzu. Kanpaina horren helburua da gizartea kontzientziatzea ingurumena zaintzearekin, batez ere gazteria.

• Data: martxoaren 20an, 12:00etan
• Lekua: Arboretumeko anfiteatroa (ikusi)

Plazak mugatuak dira. Etorriko zarela baieztatzeko, mesedez, eman izena.

Itxaroten zaitugu!