Unibertsitateko kideei zuzendutako jarduera batzuk aipatzen dira ondoren, ingurumenaren arloan eta hainbat ikuspegitatik unibertsitatean egiten den kudeaketarekin zerikusia daukatenak.

Agroekologia, jasangarritasuna lantzeko giltza

Jardunaldi hau Cristina Enea Fundazioak eta UPV/EHUko Campus Bizia Lab proiektuko taldeak antolatu dute.

Data: 2019ko azaroaren 18an
Lekua: Hezkuntza, Filosofia eta Antropologia Fakultatea. HEFA II, magisteritza eraikineko areto nagusian. Donostia.
Ordua: 10.00etan

+ informazioa

IKD-Jendartea 2019. EHUagenda 2030: IKD i3 esperientzien elkargunea

UPV/EHUk 2019. urtean eguneratu du bere IKD ikaskuntza-irakaskuntza eredua (Ikaskuntza Kooperatibo eta Dinamikoa) Europa mailan sustatzen ari diren orientazio pedagogikoekin eta gizakioi eta planetari eragiten diguten arazo handiei erantzuteko Garapen Iraunkorreko 2030 Agendak biltzen dituen helburuekin bat etortzeko. Horren guztiaren emaitza IKD i3 estrategia da, ikaskuntzaren, ikerketaren eta Iraunkortasunaren artean, elkarren biderkatzaile diren harremanak lantzen dituena (ikaskuntza x ikerketa x iraunkortasuna), ulertzen baitugu biderkaketa horren produktuak unibertsitate honetan ikasten duten pertsonen formakuntza indartuko duela.

Data: 2019 azaroak 13
Lekua: Zientzia eta Teknologia Fakultateko Paraninfoan (Leioa)
Ordua: 09.00

+ informazioa

UPV/EHUko ingurumen-aztarna eta aztarna soziala: nola murriztu gure inpaktua?

Jardunaldi hau UPV/EHUko Iraunkortasun Zuzendaritzak eta EHU-Aztarna proiektuko taldeak antolatu dute, Copernicus Alliance- Garapen Iraunkorrerako Goi-mailako Hezkuntza Sare Europarraren babesarekin.

Data: 2019ko urriak 9
Lekua: Bizkaia Aretoa (Bilbo)
Ordua: 9.30-13.30

+ informazioa

Larrialdi Klimatiko: Zer egin dezaket?

BC3 - Basque Centre for Climate Change: Klima Aldaketa Ikergai zentroak ekimen berria jarri du martxan UPV/EHUko ikasleak klima aldaketaz eta honen ondorioen berri emateko. Klima aldaketa gaurkotasuneko gaia da eta bere inguruan hainbat zalantza eta mito sortzen ditu. Ekintza berri honekin zentroko ikertzaileek ikasleei mundu mailako krisi honen ikuspuntu erreala gerturatzen saiatuko dira.

Data: Irailak 25 - 27
Lekua: Mikel Laboa plaza (Bizkaiko Campusa)
Ordua: 10.30-13.00

Hurbil zaitez!