Gonbidatu nahi zaituztegu "Oroimena eta jakintza herrikoiak" izeneko lan-tailerrean parte hartzera, 2025eko urriaren 21ean.

Tailerra L'Arada Creativitat Social kooperatibak eskainiko du Hezkuntza eta Kirol Fakultateko Hezkuntza eraikinean (Juan Ibáñez de Sto. Domingo, 1, Gasteiz). Helburua da beren esperientziak partekatzea eta oroimena eta jakintza herrikoiak, haur zein helduekin, kolektiboki nola eraikitzen dituzten lantzea.

Hau da euren webgunea: larada.net

Ekimen hau Lehen Hezkuntzako graduko 1. mailako ikasleekin lantzeko pentsatu da, Komunikazio Gaitasunaren Garapena I irakasgaiaren baitan. Nolanahi ere, tailer irekia eta doakoa da eta edonork har dezake parte.

Bi txanda egongo dira:

• Urriaren 21ean, 15:00-17:00, 3.4 gelan
• Urriaren 21ean, 17:00-19:00, 2.5 gelan

Bide batez, eskerrak eman nahi dizkiegu tailerraren babesleei: Hezkuntza eta Kirol Fakultatea eta Hizkuntzaren eta Literaturaren Didaktika Saila (EHU); baita laguntzaile den Ilusionista Sozialen Mintegiari ere.

Zalantzarik edo galderarik izanez gero, hau da harremanetarako eposta: ainhoa.ezeiza@ehu.eus