Ezagutza zientifikoa eta jakintza herrikoiak kolektiboki eraikitzen ilusionismo sozialetik abiatuta

Ikertzailea(k):
Ainhoa EZEIZA, Javier ENCINA, Emiliano URTEAGA, Lisa Fernanda VILLANUEVA
Denboraldia:
2015-tik 2019 arte
Finantzaketa egin duen erakundea:
UPV/EHU
Zenbatekoa guztira:
2,000.00
Deskribapena:
Ezagutza zientifikoaren eta jakintza herrikoien arteko borrokan, erakundeen presioa, bai unibertsitatean eta bai hezkuntza arautuan, zientifikoa herrikoiaren gainetik jartzera eramaten gaitu beti, jakintzak sinplifikatuz eta metodo zientifikoaren iragazkia pasa duten horietara mugatuz. Alabaina, asko dira jakintza herrikoien konplexutasuna erakusten duten adibideak, ondoren ikerketa zientifikoen bidez egiaztatu direnak, hainbat eta hainbat diru gastatu ondoren. Jakintza herrikoiak jendearen partaidetza eta elkarlanaren bitartez sortu eta bersortu egiten dira. 'Jende' hitza anonimotasun hori azpimarratzeko erabiltzen dugu, ezagutza zientifikoan autoretzaren aitorpenarekin dagoen obsesioaren aurrez aurre. Kultura herrikoiak, ikuspegi honen arabera, jakintzen baliabide sortzaile baliotsu dira, eta horrela, proiektu honetan azpimarratzen dugu ekoizpen kulturala eta ezagutzazkoa Zientziatik ezezik jakintza herrikoietatik ere badatorrela. Gainera, ulertzen da pentsamendua ez dela estatikoa, trukeetatik, topaketetatik eta bidegurutzeetatik, espero ezin den horretatik sortzen dela. Zientzia Nagusitua, Ordenaren Zientzia, alegia, elementuak lerrokatzera soilik sartzen da kaosean... Zientzia soziala pentsamendu, sentipen eta ekintzen trukeetan murgildu, busti eta berpentsatu egin behar da, subjektu kolektiboekin nahastuz edo gizarte laboreetan; eta hortaz, kultura herrikoien lojika/alojiketan, denbora eta espazioetan murgildu behar du. Proiektu honen asmoa da ikerketa-lerro bat zabaltzea Euskal Herriko Unibertsitatean beste eragile eta erakundeekin batera, talde honen ildoko formakzio ekintzen bitartez. Uneotan ikertzaile nagusiak egiten diharduen lanaren parte bat da, honako erakundeekin elkarlanean: UNILCO-espacio nómada Sevilla, Casa Caracol de Xalapa (México), LaTICfm de la Universidad Autónoma de Ciudad de México (UACM) eta Ilusionista Sozialen Kolektiboa (nazioarteko kolektiboa). Espero da etorkizuneko proiektuen katalizatzaile izatea.
Esteka informazio gehigarriarekin:
http://ilusionismosocial.org/