Ilusionismo sozialak 30 urte bete ditu, eta ISMk 10 urte!

Ilusionismo soziala 1995ean hasi zen eratzen, Pedreran (Sevillan), konturatu ginelako ikerketa-ekintza parte-hartzailea ("investigación-acción participativa" - IAP) mugatua zela jendearen partaidetza eta eguneroko bizitzaren autogestioa sustatzeko. IAPak jendearen pensamenduak, ekintzak eta sentipenak adostasuneratz bultzatzen ditu, kontsentsurantz, eta horrek aniztasuna murriztu eta dinamizazioa mugatzen zuela ikusi genuen. Horregatik, bigarren mailako dialektikarantz jotzea erabaki genuen, "irekitzeko irekiz", eta komunitatean sortzen diren disentsuak dinamizatuz, jendearekin eta jendearengandik lan egiteko.

Ilusionismo sozial izenez ezagutzen duguna egiteko modu bat da (ez metodologia bat) dimentsio dialektikoan oinarritzen dena. Metodologia partehartzaileak abiapuntutzat harturik (IAP bereziki), lana kultura herrikoei begira garatzen du. Eguneroko bizitzako espazio eta denboretan gertatzen diren bitartekotza sozial desiragarrien sorkuntza eta dinamizazioa ditu ardatz nagusi; horretarako, jendearekin eta jendearengandik abiatuta egin behar da lan, dauden aukeren segurtasunetik mugituz eta ezinezkoaren itxaropenera joz, eguneroko bizitzaren autogestioaren bitartez; pentsamendua eta sentipena, ekintza eta ezagutza, jakintza guztien ikaskuntza eta azterketa ezberdindu ezin direlarik.

Andaluzian egindako lanetik, UNILCO-espacio nómada (Universidad Libre para la Construcción Colectiva) sortu genuen, orain dela 20 urte, 2005ean. Mexikoko jendearekin elkarlotzen hastearekin batera, Ilusionista Sozialen Kolektiboa hazten joan zen, eta 2015ean, Euskal Herriarekin hasitako harremanaren emaitza gisa, Ilusionista Sozialen Mintegia eratu genuen (ISM-UPV/EHU), ikerketa-formakzio taldea kontsolidatzeko.

Hori guztia ospatzeko eta aurrera jarraitzeko asmoz, hilabete hauetan hainbat ekintza eta jardunaldi prestatzen ari gara. Zure herrian, ikasketa-gunean edo lan-gunean zerbait antolatu nahi baduzu (hitzaldi bat, tailer bat, zinema-emanaldi bat, online jarduera bat, topaketa informal bat...), idatziguzu eta elkarrekin egin dezakegu: ilusionistasozialak@gmail.com

Egingo dugun lehen topaketa Sevillan izango da, 2025eko uztailaren 8 eta 9an, 10:00etatik 12:30etara. Hauxe da pentsatu duguna (besterik ere proposa dezakezu):

UZTAILAK 8. Dinamizatzailea: Ainhoa Ezeiza (Euskal Herriko Unibertsitatea UPV/EHU)

Ilusionismo sozialaren eta Ilusionista Sozialen Mintegiaren aurkezpen laburra. Zabalik dauden online doako formazio-guneen aurkezpena.
Esperientzien trukea: hezkuntza, ahozkotasuna, kultura herrikoiak eta eraikitze kolektiboa.

UZTAILAK 9. Dinamizatzailea: Javier Encina (UNILCO-espacio nómada)

Esperientzien trukea: Agroekologia, osasuna eta autogestioa, ekonomia herrikoiak, eguneroko bizitzaren autogestio kolektiboa.
Tomate dastaketa ("tomatá")

Saioak doakoak eta irekiak dira. Hala ere, etortzekoa bazara, idatziguzu mezu bat, mesedez, espazioak hobeto egokitzeko: ilusionistasozialak@gmail.com

2025eko urriaren 7-8rako, ISMren 10. urteurrena ospatzeko, mintegi bat prestatzen ari gara, migrazioak, hezkuntza, komunikazioa eta ahozko historiak hizpide harturik. Oraingoz, baieztatuta dugu Stephan Moore Berlingo adituaren partaidetza.

Stephan Moore gizarte langilean graduatua eta kulturartekotasun gatazken kudeaketan masterra du Berlingo Alice Salomon Unibertsitatean. Askotariko adinetako pertsona migranteekin du esperientzia, hainbat testuingurutan (harrera-gune, gune komunitario, kale-lana eta abar). Bere interesguneak: kulturatekotasuna, migrazioa, kolonizazioa, partaidetza, adikzioak. Gaur egun, Kreuzberg 36-Berlin auzoko Migrazio Aholkulari da, baita Radio Matraca irrati komunitario migranteko kide ere.

Antolatzen diren bestelako ekitaldiak hemen eguneratzen joango gara. Gogoratu: zuk zeuk ere proposa dezakezu zerbait! Idatziguzu: ilusionistasozialak@gmail.com

Ilusionista Sozialen Mintegia Ikerketa Taldea

Bilaketa barra