Sareko laguntza linguistikoa (OLS aplikazioa) Goi mailako Hezkuntza

1. Erasmus+ mugikortasunetarako laguntza linguistikoak.

Erasmus+ programak laguntza linguistikoa ematen die Erasmus+ mugikortasuneko ikasleei, atzerrian ikasteko edo praktiketan aritzeko erabiliko duten hizkuntza nagusirako. Europako Batzordeak sareko laguntza linguistikoko zerbitzua sortu du: OLS aplikazioa. Helburua da lagungarri izatea programako helburuak lortzeko, partaideen aurrerabide linguistikoaren bidez. OLS plataforma honako hauek osatzen dute:

  • ebaluazio modulua
  • ikastaroen modulua

2. OLS aplikazioan erabilgarri dauden hizkuntzak.

 OLS aplikazioan behean adierazitako hizkuntzak erabili ahal izango dira. Gainera, beste hizkuntza batzuk ere gehituko dira (atal honetan zehaztuta daude):

  • Alemana
  • Daniera
  • Frantsesa
  • Gaztelania
  • Greziera
  • Ingelesa
  • Italiera
  • Nederlandera
  • Poloniera
  • Portugalera
  • Suediera
  • Txekiera
  • Bulgariera
  • Kroaziara
  • Hungariera
  • Errumaniera
  • Eslovakiera
  • Finlandiera
  • Estoniera
  • Letoniera
  • Lituaniera
  • Maltera
  • Irlandera
  • Esloveniera
 

3. OLS aplikazioan egiteko ebaluazioak.

Erasmus+ mugikortasuneko ikasleak derrigor egin behar ditu sareko ordu bateko 2 ebaluazio, OLS aplikazioaren bidez (bietan neurtzen da ikaslearen konpetentzia linguistikoa. Lehen ebaluazioa egiten ez bada, ezingo da mugikortasun programan parte hartu. Bigarren ebaluazioa egiten ez bada, emandako diru laguntza itzuli behar izango da). Ebaluazio horiek Erasmus+ ikaslearen mugikortasun aldia hasi baino lehen eta amaitu ondoren egin beharko dira, betiere irakaskuntza edo lan hizkuntza nagusia aurretik aipatutakoetako bat bada, hizkuntza horren jatorrizko hiztuna denean izan ezik.

3.1.  Lehenengo ebaluazioa.

1. EBALUAZIO PROBA ("TEST PROBA / MAILA PROBA") egiteko, Erasmus+ mugikortasuneko ikasleak jakinarazpena jaso behar du bere postontzi elektronikoan, mugikortasuna hasi aurretik (mugikortasuna baino hilabete bat edo bi lehenago, gutxi gorabehra). Hain zuzen ere, mezu horretan adieraziko zaizkio erabili beharreko webgunea, erabiltzaile izena eta pasahitza, OLS aplikazioaren ebaluazio moduluan sartzeko. Hizkuntzaren lehen ebaluazioa egiten ez bada, ezingo da mugikortasun programan parte hartu.

OLS aplikazioan, bere profila definitzeko zenbait datu bete beharko ditu; besteak beste, bere mugikortasunaren iraupen zehatza. Aintzat hartu behar da ikasteko mugikortasunaren iraupena, OLS aplikazioan agertu behar dena, gutxienez 3 hilabetekoa izango dela, eta gehienez 12koa; Erasmus+ mugikortasuneko ikasleak ez badu ezer sartzen, aplikazioak "2 hilabete" jarriko du berez, baina ez dago 2 hilabeteko ikasketak egiteko mugikortasunik. Praktika mugikortasunetarako, baina, gutxienez 2 hilabete dira.

Ebaluazioaren emaitzak berehala ikusi ahal izango dira, testa amaitzean. Parte hartzaileak berehala jakinarazi behar dio dagokion erakundeari ezinezko zaiola ebaluazioa egitea.

General OLS language assessment information

3.2.  Bigarren ebaluazioa.

Parte hartzailearen profilean (OLS aplikazioan) mugikortasunaren amaiera gisa adierazitako hilaren 15ean, Erasmus+ mugikortasuneko ikasleak beste jakinarazpen bat jasoko du emailez; horretan, 2. EBALUAZIO PROBA ("TEST PROBA / MAILA TESTA") egin behar duela adieraziko zaio, hizkuntzen ikastaroak egin diren ala ez. Bigarren ebaluazioa ez bada egiten, emandako diru laguntza itzuli behar izango da.

Ebaluazioaren emaitzak berehala ikusi ahal izango dira, testa amaitzean. Parte hartzaileak berehala jakinarazi behar dio dagokion erakundeari ezinezko zaiola ebaluazioa egitea.

Lehenengo hizkuntza ebaluaketan C2 lortu dutenek ez dute bigarren hizkuntza ebaluaketa egin beharko.

4. Ebaluazioen helburua.

Ebaluazio probak ez dira azterketak, ez da maila jakin batera iritsi behar. Besterik gabe, ikasketetan erabiliko den hizkuntza nagusiaren maila neurtzen da, joan aurretik eta mugikortasunaren ondoren.

5. Hizkuntza ikastaroak OLS aplikazioan.

Ikasleak bere ols profilea betetzeko orduan, 2 hizkuntza ikastaroak egiteko aukera izango du, hau da, bere ikasketak egingo dituen hizkuntzaren kurtsoa eta Norako hizkuntzarena. Hori dela eta, ikasleak kurtso bat edo biak egin nahi baditu, bere ols profilean aukeratu beharko du. Ikastaroak  hautazkoak eta doanekoak  dira.

Ikastaroetara sartzeko, Erasmus+ mugikortasuneko ikasleak gonbidatzeko e-maila jasoko du, automatikoki. Horien bidez sar daiteke erasmusplusols euskarrira.

Erasmus+ OLS aplikazioko hizkuntza kastaroak erabilgarri egongo dira Eramus+ mugikortasunak irauten duen artean (Erasmus+ ikasleak OLSko erabiltzaile profilean adierazi dituen hasiera eta amaiera daten arabera). Ikaslea ikastarora lehenengoz sartzen denetik aurrera egongo dira erabilgarri ikastaroak ols profilean sartuta dagoen amaiera datatik  bi hilabetera arte. Parte hartzaileak ikastaroa egitean dagokion ordu eremua adierazi beharko du; datu hori beharrezkoa da tutoretza sinkronizatzeko.

Erasmus+ ikasleak ikastaroa egiteko gonbita jasotzen badu, baina ezinezko badu ikastaroa egitea, berehala jakinarazi beharko dio erakundeari.

General OLS language course information

6. Iradokizunak:

Garrantzitsua da Erasmus+ mugikortasun ikasleei OLS aplikazioaren gonbidapen emailak helaraztea; izan ere, hizkuntza ebaluazioak nahitaezkoak dira, eta ikastaroak hautazkoak. Jaso beharreko emailak helbide hauetatik iritsiko dira: support@erasmusplusols.eu eta noreply@erasmusplusols.eu

Sartzeko kredentzialak ez bazaizkizue iristen, hau egin dezakezue:

  1. Begiratu Spam karpetan eta sartu postako helbide baliagarrien zerrendan ols luzapena dutenak: support@erasmusplusols.eu eta noreply@erasmusplusols.eu.
  2. Bidali mezu bat plataformaren bidez (forgot password loturan); bertan erantzungo zaizue nola egin behar duzuen.

 

Erasmus+ Ols webgunea: www.erasmusplusols.eu

Erasmus+ OLS FAQs. Sareko laguntza linguistikoari buruzko proposamenak eta ohiko galderak: http://erasmusplusols.eu/es/faq//

Erasmus+OLS flyers

Erasmus+ OLS YouTube Playlists. Erasmus+OLS aplikazioari buruzko bideoak: