Arabako Campusa

Vitoria-Gasteiz hiri berdea da: oinez eta bizikletaz joan zaitezke era eroso eta atseginean hiriko edozein tokitara, campusera barne.

Campusera iristen diren autobus-lineak:

• L8 da UPV/EHU Vitoria-Gasteizko ia auzo guztiekin lotzen duen linea biribila.
• L9, Gamarra-Zumaquera: hiria zeharkatzen du iparraldetik hegoaldera eta campusetik hurbil geratzen da.
• L3, Betoño-Zumaquera: campusetik hurbil geratzen da.

• Vitoria-Gasteizko autobus-linea guztiak (pdf, 950 Kb)
• Bidegorriak eta txirrindularientzako gomendioak (pdf, 950 Kb)
• Vitoria-Gasteizko garraio-txartelak

Bizkaiko Campusa

Bilboko metro-linea guztiak

Bilbo nahiko hiri handia da, baina oinez irits zaitezke ia edozein auzotara. Metroa eta tranbia dira garraiobiderik azkarrenak eta erosoenak hirian mugitzeko.

Bilbon dauden fakultateak eta unibertsitate-eskolak (Kokapenaren mapa)

• Bilboko Enpresa Ikasketen Unibertsitate Eskola
• Ekonomia eta Enpresa Zientzien Fakultatea
• Bilboko Ingeniaritza Goi Eskola Teknikoa
• Bilboko Industria Ingeniaritza Teknikoko Unibertsitate Eskola

Portugalete

• Nautika eta Itsasontzi-makineria Goi Eskola Teknikoa

Barakaldo

• Meatzeen eta Herri Lanen  Ingeniaritza Teknikoko Unibertsitate Eskola

Leioa-Erandio inguruan dauden fakultate eta unibertsitate-eskoletara iristeko:

• Leioa-Erandioko kokapen-planoa, autobus-lineak eta geltokiak (pdf, 1,59 Mb)
• Kontsultatu Bizkaibuseko linea bakoitzaren ibilbide osoa
• Garraio-txartelak eta prezioak

Gipuzkoako Campusa (Donostia-San Sebastián)

Donostia-San Sebastián hiri tamaina ertainekoa da, eta, beraz, bertan mugitzea nahiko erraza da. Hainbat autobus-linea iristen dira campusera:

Grosetik campusera

• 40 linea, GROS-ANTIGUO-IGARA
• 33 linea, LARRATXO-INTXAURRONDO-BERIO

Amaratik campusera

• 24 linea, ALTZA-GROS-ANTIGUO-INTXAURRONDO

Erdigunetik campusera

• 5 linea, BENTA-BERRI
• 25 linea, BENTA-BERRI-AÑORGA

• Linea, ibilbide eta ordutegi guztiak kontsultatzeko: www.dbus.es
• Garraio-bonoak - BONOBUSA, LURRALDE BUSA, 10 EGUNEKO TXARTEL TURISTIKOA

Donostia-San Sebastianeko bidegorrien mapa

  Bidegorrien mapa

Euskadin mugitzea

Trenbide-linea berri batek Euskadiko hiru hiriburuak lotuko ditu laster; gaur egun, hala ere, lotura azkarrak daude errepidez autonomia-erkidegoko hiri nagusien artean:

• Bilbo-Donostia-Bilbo: PESA konpainiak bi hiriburuak lotzen ditu ordubete eta 10 minututan. Autobusak orduro aritzen dira eta gutxi gorabeherako prezioa 10 eurokoa da. Kontsulta ordutegiak webgune honetan: www.pesa.net
• Gasteiz-Donostia-Gasteiz: ALSA konpainiak hainbat bidaia egiten ditu Vitoria-Gasteiztik eta Vitoria-Gasteizera. Ibilbidea ordubete eta 20 minutukoa da eta txartelaren prezioa 6 euro ingurukoa.
• Bilbo-Gasteiz-Bilbo:  LA UNIÓN-LA BURUNDESAren autobusa har daiteke Vitoria-Gasteizko autobus-geltokira eta alderantziz Bidaia ordubetekoa da eta gutxi gorabeherako prezioa 6 eurokoa. Zehaztasun gehiagorako, kontsultatu:  www.autobuseslaunion.com.

Beste lurralde eta herrialde batzuk bisitatzeko

Euskadik komunikazio ona dauka Penintsulako hiri nagusiekin eta hemendik erraz asko bidaia dezakezu Frantziara eta Portugalera ere.

Madril eta Bartzelona:

• Hegazkinez: Bilbo, Vitoria-Gasteiz eta Donostia-San Sebastianeko aireportuek eguneroko hegaldiak dituzte Madrilera eta Bartzelonara. Hala ere, Loiuko aireportua (Bilbo) da gure autonomia-erkidegotik irteteko gehien erabiltzen dena eta eskuragarriena.
• Trenez: RENFE konpainiaren ALVIA trenek hiru hiriburu euskaldunak Madril eta Bartzelonarekin konektatzen dituzte egunero. Baldintzak, promozioak eta ordutegiak ezagutzeko, kontsultatu webgunea: promozioak, prezioak eta ordutegiak.
• Autobusez: ALSAk hainbat autobus ditu Bilbotik, Vitoria-Gasteiztik eta Donostia-San Sebastianetik Madrilera. Ibilbidea 4 ordu - 5 ordu eta erdi artekoa da, ibilaldiaren eta geldialdien arabera. www.alsa.com. VIBASA Bartzelonara doa (geldialdiak Sants eta Nord) egunean hainbat aldiz: www.vibasa.es.

Paris, Lisboa eta beste hiriburu europar batzuk:

• Hegazkinez: Hegaldi zuzenak har ditzakezu Lisboara, Parisera eta beste hiriburu europar batzuetara Bilboko aireportutik. www.aena.es.
• Trenez: Oso erraza da Parisera trenez heltzea Donostia-San Sebastianetik. Frantziako Abiadura Handiko Tren Sareak hainbat ibilaldi egiten ditu egunero hiriburuaren (Paris-Montparnasee) eta Hendaiaren artean. Hendaiara iristeko, EUSKOTREN Easo plazako terminaletik irteten da eta gutxi gorabehera 40 minututan iristen da lehen herri frantsesera:  www.euskotren.es
• Lisboara edo beste hiriburu europar batzuetara bidaiatzeko gaueko trena (ohatzeak edo jesarlekuak) har dezakegu RENFErekin. Ordutegiei eta prezioei buruzko informazio gehiago eskuratzeko:  jomugak, ordutegiak eta prezioak.