EPE BERRIA: Deialdia irekia egongo da 2025eko irailaren 28ra arte

Ebazpenaren aldaketa: eskaera aurkezteko epea irailaren 28ra arte luzatzen da.

Ebazpen honen xedea da EPEZ XX programaren 2025/2026 edizioaren oinarriak eta deialdia argitaratzea, 2024/2025 ikasturtean UPV/EHUn titulua lortzen duten ikasleei zuzenduta, Erasmus+ programaren esparruan Europar Batasunean kokatutako enpresetan praktikak egiteko, haien gaitasun profesionalak hobetzeko, enplegagarritasuna errazteko eta, azken batean, prestakuntza beste kultura-ingurune batean osatzeko.

Beken ezaugarriak:

• Beka kopurua: 40 beka
• Laguntza Ekonomikoa: laguntza ekonomikoen dokumentua
• Jarduera: enpresetan praktikak egitea, profil bakoitzerako lan-plan pertsonalizatuarekin. Enpresak hautatutako bakoitzaren profilaren eta interesaren arabera bilatuko dira.
• Helmugak: EBko herrialdeak, hala nola Irlanda,Italia, Malta, Polonia, Portugal, Txekiar Errepublika...
• Hartzaileak: UPV/EHUko gradu edo master ofizialeko ikasleak beren azken urtean, 2024/2025 ikasturtean, titulua 2025ko ekaina eta urria bitartean lortu beharko dutenak.
• Hasiera datak: 2026eko otsaila gutxi gorabehera
• Iraupena: Praktikek 3 hilabeteko iraupena izango dute.

DOKUMENTU GARRANTZITSUAK (irakurri behar dira)

• EPEZ XX PROGRAMAREN DEIALDIA (PDF) 
• OHIKO GALDERAK (PDF)
• BEHIN-BEHINEKO EGUTEGIA (PDF)

Eskatzaileek eskabidea egiteko unean, zerrendatzen diren baldintzak bete beharko dituzte:

1. Oro har, Europar Batasuneko herrialde bateko nazionalitatea izan beharko dute, edo bizi diren herrialdeak errefuxiatu, aberrigabe, egoiliar iraunkor, aldi baterako egoiliar gisa aitortuak izan beharko dute, mugikortasuna gauzatu bitartean bizileku-baimena indarrean dutela, legeria nazionalaren arabera.
2. Karrerako azken urtean edo master ofizialetako batean matrikulatuta egotea.
3. Erasmus+ programan matrikulatuta dagoen zikloan 9 hilabete baino gehiagoz parte hartu ez izana (Transferentzia eta Nazioartekotze Errektoreordetzan dauden datuak hartuko dira erreferentziatzat), kreditu-kopuruagatik 24 hilabeteko mugikortasuna ahalbidetzen duten titulazioak izan ezik.
4. Ahozko adierazpen-gaitasuna izatea, helmugako herrialdeko hizkuntza ofizialean edo, bestela, ingelesez.
5. Dirulaguntza edo laguntza publikoak eskuratzea eragozten duen zehapen administratiborik edo penalik ez izatea, ezta horretarako legezko inolako debekurik ere, sexu-bereizkeriagatiko debekuak barne, Emakumeen eta Gizonen Berdintasunerako otsailaren 18ko 4/2005 Legearen azken xedapenetatik seigarrenean xedatutakoarekin bat etorriz.

Hautatutako pertsonen betekizunak

1. Hautatutako pertsonek UPV/EHUko unibertsitate-titulu ofizial bat izan beharko dute, edo, bestela, 2024/2025 ikasturtean lortutako lizentziatura, diplomatura, gradua, ingeniaritza, arkitektura edo master ofizial bat egiteko eskubideak ordaindu beharko dituzte, ekainean eta urrian, praktika egiten hasi aurretik.
2. Ikasketak amaitu eta hurrengo urtean egin behar da mugikortasuna, eta 2026eko otsailean hasi behar da, gutxi gorabehera.
3. Praktikek 3 hilabeteko iraupena dute.

Eskabideak aurkezteko epea 2025ko irailaren 28an amaituko da. Izena behar bezala emateko informazio guztia DEIALDIA dokumentuan aurki daiteke. Hona hemen laburpena:

Programan izena emateko urratsak:

1. Programan parte hartu nahi duten pertsonek izena eman eta beharrezko dokumentazioa aurkeztu beharko dute (ikus DOKUMENTAZIOA puntua), link honetan eskuragarri dagoen online eskabide-formularioan: 

​​​IZENA EMATEKO ONLINE FORMULARIOA (esteka)

1. Inprimakia bete eta eskabidea bidali ondoren, eskatzaileak gordekina jasoko du adierazi duen helbide elektronikoan.
2. Posta elektroniko hori jaso ondoren, Transferentzia eta Nazioartekotze Errektoreordetzara bidali beharko da, UPV/EHUko erregistro elektronikoaren bidez, 
3. Inprimakia online bete duten baina eskabidea erregistratu ez duten pertsonek aurreko puntuetan adierazitako bideetatik, EZ AURKEZTUTZAT JOKO dira, eta programatik kanpo geratuko dira.

Izen-ematea behar bezala egiteko informazio zehatza Deialdia dokumentuan aurki daiteke.

Web-formularioaren bidez, honako dokumentazio hau erantsi beharko da:

1. NAN, AIZ edo pasaportearen kopia.
2. Erasmus+ programan UPV/EHU ez den beste unibertsitate baten bidez parte hartu badu, sailak horretarako emandako "egonaldi-ziurtagiriaren" kopia bat bidali behar da. UPV/EHUren bidez Erasmus+ mugikortasuna egin duten pertsonek ez dute ziurtagiri hori erantsi beharko.
3. Hizkuntzen titulu ofizialen kopia (Hizkuntzen Europako Erreferentzia Marko Bateratuaren arabera, MCERL).

EPE BERRIA: Eskabideak aurkezteko epea 2025ko irailaren 28an bukatuko da.

Informazio gehiago lortzeko:

• Email: od.international@ehu.eus

Prozesuan zehar, behin-behineko eta behin betiko hainbat ebazpen argitaratuko dira (izena eman dutenenak, elkarrizketetara deitzekoak, azken hautaketakoak...).

1. BEHIN-BEHINEKO ZERRENDA

• Izena ondo eman dutenen behin-behineko zerrenda
• Baztertuen eta eskaera zuzendu behar dutenen zerrenda

Alegazioak egiteko epea: 2025/10/01etik 2025/10/14ra

     2. BEHIN BETIKO ZERRENDA

Behin betiko Ebazpena: Ebazpena, 2025ko urriaren 22koa, Transferentzia eta Nazioartekotze Errektoreordetzarena.

​​​​​​Eranskina I: Izena ondo eman dutenen behin betiko zerrenda

Eranskina II: Baztertuen behin betiko zerrenda

    3. HAUTAPEN PROZESUA: Behin-behineko hautatuen eta baztertuen zerrendak.

• Behin-behineko ebazpena: Ebazpena, 2025eko azaroaren 26koa, Transferentzia eta Nazioartekotze arloko Errektoreordetzarena.
  • ​​​​​​Eranskina I: Hautatuen behin-behineko zerrenda
  • Eranskina II: Baztertuen behin-behineko zerrenda

• Behin betiko ebazpena: Ebazpena, 2025eko abenduaren 12koa, Transferentzia eta Nazioartekotze arloko Errektoreordetzarena.
  • ​​​​​​Eranskina I: Hautatuen behin betiko zerrenda
  • Eranskina II: Baztertuen behin betiko zerrenda