UPV/EHUk eskaintzen duen doako ekitaldien kultur programazioa da.

Bilbon, helburu nagusia da euskal unibertsitate publikoa Bizkaiko lurraldearen “kultur eragile” izatea. Bizkaia Aretoa erabiliko da horretarako, eta hirian bertan ere lekua izango du (Guggenheim/Abandoibarra eremua).

Eraikina irekita dago jakin-nahia duten pertsona guztientzat, eta bide emango du sormenezko pentsaera lantzeko, sustraietako dantzaren eta musikaren bidez euskal identitatearekin lotzeko, tradizionalaz eta gaur egungoaz hausnartzeko, eta artearen eta zientziaren arloko adierazpide berriei adi egoteko.

Kultur programazioak lekua egiten die UPV/EHUko bertako eragile berritzaileei, ikasleei eta irakasleei, eta haien ideiak Bizkaiko beste eragile aktiboen ideiekin gurutzatzen dira. Horrela, EHUkulturak kultur proiektuak sustatzeko aliantzak ehuntzen ditu.