Helburua

Ekonomiaren olinpiaden helburu nagusia da gazte jendearen artean Enpresen Administrazioa eta Ekonomiaren ikasketak sustatzea. Modu berean, harremanak egin eta sendotu nahi dira bigarren hezkuntzako ekonomia eta enpresa antolakuntzako irakasleekin eta gai hauetan interesatutako ikasleekin, etorkizunean gure fakultateko ikasle izango diren horiekin.

Parte Hartzaileak

Ekonomiaren olinpiaden fase lokalean parte hartu ahal dute Euskal Autonomia Erkidegoko bigarren hezkuntzako ikastetxeetan batxilergoko 2. ikastaroan 2025-2026 ikasturtean Ekonomia eta Enpresa Antolakuntza irakasgaian matrikulatutako ikasle guztiek.

Gaiak

Batxilergoko bigarren kurtsoko "Enpresa eta Negozio Ereduen Diseinua" eta Batxilergoko lehenengo kurtsoko "Ekonomia" ikasgaien gaiak izango dira probaren edukia, Batxilergoko Kurrikulua ezartzen duen Dekretuan adierazten direnak.

Batzorde Akademikoa

Universidad del País Vasco/Euskal Herriko Unibertsitateko Ekonomia eta Enpresa Fakultateak batzorde akademiko bat izendatuko du. Dekanoa edo berori ordezka lezakeen pertsona izango da batzordeburu eta probak ebaluatuko ditu, ariketak kalifikatu eta fase nazionalean zeintzuk hartuko duten parte zehaztuko dute. Emaitzak Fakultatearen web gunean jarriko dira.

2025ko Ekonomiako Olinpiada  antolatzeko batzorde kideak ondorengoak izango dira:

Batzordeburua

• Javier García eta Unai Tamayo

Batzordekideak

• Arantza Ugidos Olazabal
• Izaskun Ipiñazar Petralanda
• Amaia García Azpuru
• Ana Maria Ferrero García Rodríguez
• Aritza López de Guereño Zarrraga

Azterketa anonimoa izango da eta bi orduko proba bat izango da, aurreko atalean adierazitako edukiak jorratuz.

Fase Lokaleko proba 2026ko martxoaren 27an egingo da, 10:00etatik 12:00etara. Bilbon, Donostian edo Gasteizen egin ahal izango da, izena eman duen ikastetxearen aukeran, Ekonomia eta Enpresa Fakultatearen egoitzetako ikasgeletan.

Izena emana duten ikasleei dei egiten zaie proba hauetara etortzeko, gerora beste jakinarazpenen bat egin beharrik gabe.

Azterketak hiru zati izango ditu:

• Lehenengo zatia, Test motakoa: ekonomiako eta enpresako 15 galdera
• Bigarren zatia, bi ariketa praktiko: 1 ekonomiakoa eta 1 enpresakoa.
• Hirugarren zatia, iruzkinak: testu bati buruzko galderak

Proba aurrez aurre egingo da Ekonomia eta Enpresa Fakultateko ikasgeletan, inguruabarrek uzten ez dutenean izan ezik; kasu horretan, proba birtualki eginen da.

Telefonoa: 946 013 601

Posta elektronikoa: secretaria-decano.fee@ehu.eus

Honako sari hauek emango dira:

1. Saria: 400,00 €

2. Saria: 300,00 €

3. Saria: 200,00 €

5 sari gehiago, 100,00 eurokoa bakoitza

(Zenbateko hauek, zenbateko garbiak dira zergaren eraginetara)

Ikastegi bakoitzeko hiru probetako batez bestekoa eginda, batez bestekorik onena luketen hiru ikastetxeek EHUDendan erabili ahal izango duten 200€ko bonoa bana jasoko dute (sari honetan lehiatzeko, gutxienez, ikastetxeko hiru ikasle aurkeztu behar dira).

Olinpiada Nazionala 2026ko ekainaren 17tik 19ra bitartean osatuko da, Aranjuezko Campusean (Madril), Rey Juan Carlos Unibertsitateko Ekonomia eta Enpresa Zientzien Fakultatean

Nazioarteko Ekonomiako Olinpiada, Suzhou-n (China), ospatuko da, 2026ko uztailaren 12tik 20ra bitartean. Han lehiatuko dira fase nazionalean sailkatutako lehen bost ikasleak

Online izena ematea irakasleak egin behar du formularioa osatuz eta Olinpiadara aurkeztuko diren ikastegiko ikasleen zerrenda erantsiz.