Campus Bizia Lab
Campus Bizia Lab (CBL) programak lankidetza-prozesu bat abiarazi nahi du irakasleen, kudeaketako eta administrazioko teknikarien, eta ikasleen artean (diziplinaz gaindiko ikuspegia), unibertsitatearen barruko iraunkortasun-erronkei erantzute aldera.
CBL Erasmus University Educators for Sustainable Development proiektutik (540051-llp-1-2013-1) etorritako ekimena da. Era berean, Gobernu Kontseiluak 2019ko apirilean onartutako Jasangarritasunerako 2030 Agenda hedatzeko programen parte da, hiru plan sektorialetan ezarritako helburuak betetzen lagunduz (Inklusio Campusa, Berdintasun Campusa eta Planeta Campusa) eta, bereziki, EHUren berezko hezkuntza-eredua eguneratzen lagunduz: i3 ("i ber hiru": ikaskuntza x ikerketa x iraunkortasuna).
