TEKAZEL

Adimen Artifizial sortzailearen tresnak lagungarriak izan daitezke EHUko administrazio- eta zerbitzu-jardueretan, eguneroko zereginak arintzeko eta lan-fluxuak eraginkorrago bihurtzeko. Dokumentuak prestatzeko, informazioa antolatzeko edo erabiltzaileren batek eskatutako edukiak sortzeko lagun dezakete. Hala ere, tresna hauek erabiltzerakoan kontuan hartu behar dira beti datuen babesa, pribatutasuna eta ikuspegi etiko zein legala. Hona hemen erabilera egokiak eta saihestu beharreko ohiko egoerak jasotzen dituen orientazio orokorra.

✅ Erabilera baliagarria honako egoeretan:

• Dokumentuak prestatzea: testuaren lehen zirriborroak sortzea edo egiturak proposatzea.
• Informazioa laburtzea: aurretik dagoen dokumentazioa modu errazean azaltzea (datu sentikorren babesa ziurtatuz).
• Itzulpenak: ez-konfidentzialak diren testuen itzulpen lagungarriak lortzeko.
• Zeregin errepikakorrak arintzea: txantiloiak sortzea, taulak edo zerrendak antolatzea, etab.
• Erabiltzaileekin komunikazioa hobetzea: laguntzaile birtualen bidez erantzun azkarrak eta koherenteak ematea.
• Kode lagungarria sortzea informatikako aplikazio edo txikikerietarako.
• Datuen analisia: informazioa antolatu eta erabakiak hartzen laguntzeko ikuspegi lagungarriak sortzea.

❌ Saihestu beharreko praktika nagusiak

• Datu pertsonalak, akademikoak edo konfidentzialak sartzea tresna hauetan.
• Prozesuak guztiz automatizatzea, giza gainbegiraketarik gabe.
• Segurtasuna, pribatutasuna edo datuen babesa arriskuan jar dezaketen erabilerak baliatzea.
• Tresnaren emaitzak egiaztatu gabe erabiltzea dokumentu ofizialetan edo komunikazio instituzionaletan.