nireEHU 
TITULUAREN GAKOAK
Masterrak kultura ekoizpenaren errealitate berria ulertzeko eta lantzeko beharrezko prestakuntza ematen du, ikuspegi aplikatu eta berritzaile batetik, zorroztasun akademikoaren eta Azkuna Zentroa – Alhóndiga Bilbaoko eguneroko praktikaren arteko elkargunea eskaintzen baitu. Horrela, prestakuntza benetako testuinguru batean kokatzen da, arte eta kultura esparruko berrogei profesional baino gehiagoren esperientziaren eta ezagutzaren bidez.
Gizarte eta kultura garaikideko eta zentro bateko kultura kudeaketaren, komisariotzaren eta proiektu ekoizpenaren alderdi guztien ezagutza, tresna eta trebetasun espezifikoak ematen ditu. Programak proiektu artistiko bati osorik heltzeko gaitasuna ematen du: proposamenaren aurkezpena, administrazio eta finantza kudeaketa, ekoizpen teknikoa, marketin eta komunikazio plana, kultura erakunde publiko eta pribatuekin lankidetza sareak aktibatzea.
Prestakuntza bloke bakoitza modu globalean planteatzen da: ikuspegi teorikotik eta praktikotik (artistekin topaketak eginez, beren lanetik).
