Metodologia

Leioan kokatuta dagoen Gizarte eta Komunikazio Zientzien Fakultatearen egoitza eraberrituan burutzen dira nagusiki Masterraren jardun teorikoak. Instalazio tekniko berri eta kalitatezkoak erabiltzen ditu Master honek: edizio-gelak, errealizazio-laborategiak, multimedia gelak, telebista platoak eta dokumentazio- eta bideoteka- zerbitzuak.Praktikak direlako Masterraren osagarri garrantzitsuak, ikasleek aukera izango dute lan egiteko EITBren Bilboko egoitzan zein multimediatasuna jorratzen duten beste enpresa batzuetan ere (Elhuyar, Berria, Goiena, Argia). Lantoki horietako instalazioak eta tresneria eskura izango dituzte eta, enpresak esleituko dien tutore batek gidatuta, multimedia produktuak sortuko dituzte.

Ebaluazioa

Programak hiru alde desberdin ditu eta horietako bakoitzak dauka ebaluatzeko sistema propioa:1. Ikasgaiak: martxora arte ikasgai enborrezko eta hautazkoen irakaskuntza ematen da, eta gai hauen ebaluazioa ikasle bakoitzak zereginetan lortzen duen emaitzaren bidez egiten da.2. Praktikak: ikasleek 375 orduko praktikak egiten dituzte enpresa eta erakundeetan, eta horien ebaluazioak honela funtzionatzen du: enpresako instruktoreak irizpide batzuen araberako puntuazioa ematen dio ikasleari eta masterreko tutoreak ere berea ematen dio; emaitza, bien puntuazioa kontuan izanda jartzen da. 3. Master Bukaerako Lana: ikasleak lan bat egiten du tutore baten gidaritzapean eta epaimahai baten aurrean aurkeztu behar du.