Metodologia

Ikastaroek transmititu behar dituzten edukien aniztasuna gorabehera, guztientzat oinarri komun bat duen metodologia bat erabiltzen da:1. Irakasleak eskola magistralen bidez egiten duen azalpen sistematikoa. Haren arrazoiketa eta erabilpen zuzenerako, oinarrizko irakurketa materiala banatuko da ikastaroak eman aurretik. Helburua ikasleek oinarrizko ezagutzak hartzea eta arlo horretan hainbat gairi buruzko ikuspegiak garatzea da, parte-hartze kritiko bat eduki dezaten. 2. Ikasleen azalpenak. Honako hauetan oinarrituta antolatuko dira: eskoletan guztien artean eginiko lanean eta banatutako dokumentazio gehigarrian, kasuen analisian, txostenetan eta datuetan. Helburu espezifikoa banakako lanak egitea izango da, ondoren eskoletan azaltzeko eta eztabaida kritikoen oinarri gisa erabiltzeko.3. Ikasleek ikasturte amaierako lan bat egin beharko dute, bibliografia espezifikoan oinarrituta eta eskoletan emandako eta aztertutako teoriei buruz. Kontuan hartuko da ikasturtean zehar erabilitako adierazleen eta instrumentu analitikoen erabilpena. Lana 20 foliokoa izango da gutxi gorabehera, eta haren jarraipena eta entrega posta elektroniko bidez egingo da.Gure jarduera guztiak garatzeko, irakaskuntza tresna indartsu bat erabiltzen dugu: gure Unibertsitateak eskaintzen duen Moodle plataforma. Irakasle-ikasle komunikazio tresna bat da, aukera apartak eskaintzen dituena komunikazio interaktiborako, eta bereziki eraginkorra da. Aurretik erabili dugun informazio erreferente bat da, interes handikoa.

Ebaluazioa

Modulu bakoitzean egiten da, hura osatzen duten ikastaroen berezitasunei erreparatuta.Hala eta guztiz ere, oro har eta modulu bakoitzean kontuan har daitezkeen berezitasun logikoez gainera, doktoregai bakoitzaren parte-hartzearen ebaluazioa ondorengo arloetan eginiko lanaren sintesitik lortzen da:- Eskoletako parte-hartze aktiboa aurrez aurreko irakaskuntza orduetan.- Praktikak, ariketak, txostenak, irakurketei buruzko iruzkinak, etab. Unean-unean egingo dira, bat etorrita denboran aurrez aurreko irakaskuntzaren garapenarekin. Ikasleak lan pertsonal bat egin behar du kasu praktiko batzuen ebazpenei buruz, aurrez aurreko irakaskuntza garatu ahala eskatuko dena.- Proposatutako gaiei buruzko ikerketa lan bat egitea eta eskatutako epean entregatzea. Ikasleak 20 bat orriko lana egingo du, berak aukeratutako gai bati buruz, emango zaizkion exekuzio metodologikoko lerro batzuei jarraiki, ikasturtean zehar landutako ezagutza teorikoen eta instrumentalen aplikazioaren arabera. Logikoa denez, ikastaroaren espezifikotasunek lan horren ezaugarriak determinatuko dituzte. Doktoregoko modulu bakoitzean lortutako amaierako kalifikazioa aipatutako hiru arloetan emandako erantzunaren analisi bateratuaren araberakoa izango da. Edonola ere, argi utzi behar da, ebaluazioa gainditzeko, ezinbestekoa izango dela hiru arloetan modu egokian parte hartzea. Beraz, lana entregatzen ez bada, eskoletara joaten ez bada edo praktiketan era egokian parte hartzen ez bada, ezin izango da ebaluazioa gainditu.