Irakasgaiaren azalpena eta testuingurua

Irakasgai honen helburu nagusia da hizkuntzaren prozesamenduan hizkuntza-baliabideek (datu-baseak, ezagutza-baseak, eta maila linguistiko ezberdinetan etiketatutako corpusak) duten garrantzia erakustea. Berebiziko garrantzia du hizkuntza baliabideak modu egokian diseinatzea, horietatik automatikoki ikasi ahal izateko, informazio berriarekin baliabideak berrelikatzen joateko eta horiek kuantitatiboki nahiz kualitatiboki ebaluatzeko. Baliabide hauek diseinatzeko prozesuan barruan, hizkuntzen arteko eta hizkuntza mailen arteko baliokidetzak eta arazoak nabarmenduko dira batez ere. Eduki horiek guztiak praktikoki ikasiko dira.

Irakasgaia ikastean lortuko diren emaitzak

* Unitate aztergaia mugatzea, hartzen den helburuaren arabera

* Semantika konputazionalaren esparruan erreferentzia diren baliabideak ezagutzea eta erabiltzea, batez ere ingelesez, baina baita beste hizkuntza batzuetan ere.

* Corpusak ebaluatzeko sistemak ezagutu eta erabiltzea.

* Semantika konputazionalaren esparruan behar diren kontzeptuak ulertzea: corpus hizkuntzalaritza, klase semantikoak, adierak, aldaerak, hierarkiak eta erlazio kontzeptualak (hiperonimia/hiponimia, sinonimia), erlazio semantikoak, desanbiguazio semantikoa, ebaluazio-metodoak.

* Hizkuntza irizpideak aplikatzea hizkuntza baliabideak diseinatzeko eta eraikitzeko.

Ohiko deialdia: orientazioak eta uko egitea

- Gelako ariketak (% 50): ariketak, apunteak, kasu praktikoak...



- Proiektua (% 50): ikasgaian landutako gai bati buruzko ikerketa proiektua

Ezohiko deialdia: orientazioak eta uko egitea

- Azteketa (% 100) galdera teoriko eta praktikoekin

Irakasgai-zerrenda

1) Hizkuntza baliabideei sarrera

2) Ezagutza-baseak eta erlazionatutako corpusak: wordnetak, MCR, SemCor, SUMO…

a) Hizkuntza-auziak: kontzeptu kulturalak, hutsune kontzeptualak

b) Aplikazioak: testuen sinplifikazioa

3) Datu-base sintaktiko-semantikoak eta erlazionatutako corpusak: Verbnet/PropBank, Nomlex / Nombank, Framenet

a) Hizkuntza-auziak: rol semantikoak, klase semantikoak, argumentu egitura, sarrera lexikoak

4) Etiketatzea

a) Antzekotasun semantikoa

b) Sentimenduen analisia: sentimenduak eta polaritatea

5) Corpusen ebaluazioa: etiketatzaileen arteko adostasuna, oinarrizko R

Bibliografia

Oinarrizko bibliografia

Robert Truswell: The Oxford Hanbook of Event Structure. Oxford University Press. 2019



Daniel Jurafsky, James H. Martin. Speech and Language Processing (2nd Edition). Pearson. 2008.



Beth Levin. English Verb Classes and Alternations: A preliminary Investigation. The University of Chicago Press. 1993.

Estekak

http://adimen.si.ehu.es/cgi-bin/wei/public/wei.consult.perl



https://verbs.colorado.edu/verb-index/



http://ixa2.si.ehu.es/e-rolda/index.php?lang=en



http://ixa2.si.ehu.es/e-rolda/index.php?lang=en http://ixa2.si.ehu.es/stswiki/