NORA ARANBERRI MONASTERIO

Nora Aranberri Letren Fakultateko Ingeles eta Aleman Filologia eta Itzulpengintza eta Interpretazioa saileko irakasle agregatua da. Itzulpengintzako ikasketak burutu ondoren, doktoretza egin zuen Irlandako Gobernuko Innovation Partnerships industria-akademia lankidetzarako beka-programaren bitartez Dublin City University-n eta Symantec Ltd.-n egindako lankidetzaren ondorioz. 2012an Marie Curie ikertzaile bezala batu zen UPV/EHUko hizkuntza naturalaren prozesamendurako IXA ikerketa taldera, non gaur egun kide izaten jarraitzen duen. Bere ikerketa-arlo nagusia itzulpen automatikoa da eta, zehazki, sistema horietan hizkuntza-ezagutzak duen eginkizuna aztertzen, bere kalitatea ebaluatzen eta erabilera aztertzen egiten du lan.