Metodologia

Irakaskuntza teoriko gehiena lehen ikasturtean ematen da, bigarrenean, etnografiako ikerlana egin eta defendatu ahal izateko. Irakaskuntza aurrez aurrekoa da, eta uztartu egiten ditu ikuspegi teoriko berritzaileak, antropologia garaikidearen berrikuspen garrantzitsuak eta analisi etnografiko berriak. Eskola magistralekin batera, irakurketa mintegiak, tutoretzapeko jarduerak eta ikerketa praktikak ematen dira. Masterra gaztelaniaz, euskaraz eta ingelesez ematen da, eta master amaierako lanak eta gainerako ariketak hizkuntza horietako edozeinetan egin daitezke. Irakaskuntzaren zati bat "Ikasketa Feministak eta Generokoak" masterrekoa bezalakoa da, eta lauhileko bat partekatzen da master horrekin. Masterraren bi ikasturteko diseinuan aurreikusita dago ikasleak masterraren edozein ikasturtetan hasteko aukera edukitzea; hau da, edizio bakoitzaren lehen ikasturtean edo bigarrenean hastea. 1. lauhilekoaProdukzio antropologikoa: balantzea eta erronkak.Gaur egungo hurbilketak eta proposamenak antropologian.Kulturaren dimentsio politikoak eta ekonomikoak.Identitateen eraikuntza.2. lauhilekoa.Teoria antropologikoaren ikuspegi kritikoa.Genero sistemak, ikuspegi konparatiboa eta erlatibismoa/unibertsalismoa.Boterearen jarduerak eta espazio-denborak: erresistentziak eta aldaketak.Naturalizazio prozesuak eta sistema sinbolikoak.Ikerketa proiektu batean parte hartzea.Landa laneko mintegia.3. lauhilekoaGizarte egitura eta erlazioak, Euskadin.Kultura ondare eta ikuskizun bihurtzea.Tokiko errealitateak mundu global batean.Euskal kulturaren errepresentazioak, mitologiak eta errituak.Ikerketa proiektu bat diseinatzea.4. lauhilekoaIkerketa mintegia.Master amaierako lana.

Ebaluazioa

Ikasleen ebaluazioa era sistematikoan eta etengabean egiten da, gai bakoitzean. Honako hauek dira kredituak gainditzeko moduak:- Lan teorikoak edo enpirikoak aurkeztea, ikasgelan edo idatziz.- Ariketa praktikoak egitea, ikasgelan eta ikasgelatik kanpo. - Parte hartze aktiboa izatea, eskola eta mintegietan.