Metodologia

Masterra erabat birtuala da eta bere edukiak on-line garatzen dira, UPV/EHUko Campus Birtualak eskura jartzen digun Moodle plataformaren bitartez. Irakaslearen eta ikaslearen eta ikasleen arteko harremana bide telematikoaren bitartez egiten da bakarrik, beraz, aldizkako eta etengabeko presentzia bermatu behar da plataforma birtualean, ikasleen zein irakasleen aldetik.Honako hauen bitartez eskuratzen dira kreditu praktiko zein teorikoak:-ikasgaiak prestatuz (40 ECTS kreditu)-enpresa laguntzaile batean praktikak eginez (6 ECTS kreditu).-Master Amaierako Lana aurkeztuz. Ikasleak aurkeztu beharreko proiektua. (14 ECTS kreditu)Masterraren programa multzoka, ikasgaika eta gaika antolatuta dago.Hiru multzo handi daude:-I. Multzoa: Ikasgai parekatzaileak. Multzo honen helburua da biomedikuntza eta ingeniaritza bezalako bi diziplina hain ezberdinetatik datozen ikasleek ikasgai ezberdinetan aurrera egin ahal izateko beharrezko kontzeptu komunak bereganatzea eta erabiltzen jakitea (4 ECTS kreditu).-II. Multzoa: Derrigorrezko ikasgaiak. Masterraren ardatza dira eduki teorikoei dagokienez. Bertan, hurrengo multzoetan zabaldu eta garatuko diren ikasgai ezberdinen baterako edukiak aztertuko dira (27 ECTS kreditu).-III. Multzoa: Hautazko gaiak. Ikasgai bereziagoetan sakontzen duten ildoak dira, eta horietan ingeniaritza biomedikoko azken joerak zehazten dira (9 ECTS kreditu).

Ebaluazioa

Ikasleak irakaskuntzak hobeto aprobetxa ditzan, denboran zehar jarraitutasuna egotea saiatuko da, eta hori dela-eta, multzo, ikasgai eta gaien jarraitutasuna ziurtatzeko moduan egituratuta dago programa.Ikasgai ezberdinetako edukiak behar bezala bereganatu direla ziurtatzeko, beharrezkoa da ebaluazio jarraitua egitea ikasgai bakoitzaren mekanikari egokitutako proben bitartez. Proba horietan elkarreragineko eremuetan esku hartzea zein era askotako ariketa praktikoen (gaien garapena, sakontzeko eta kontzeptuak erlazionatzeko galderak, edo test erakoak) ebazpena ebaluatuko dira. Gainera, ikasgai bakoitzaren autoebaluazioko ariketa bana emango zaie ikasleei. Masterrean ezarritako ikasgaiak gainditu ahal izateko, bi deialdi egongo dira ikasturte bakoitzean eta derrigorrez gainditu beharko da. "Aurkeztu gabe" kalifikazioa duten ikasgaiak, kontsumitutako deialdi gisa kontabilizatuko dira (egoera hau ez zaie ikasleei aplikatuko eskola hiruhilekoa baino gehiago irauten duen gaixotasuna, behar bezala egiaztatuta dagoenean, edo ezinbesteko bestelako egoeretan). Ikasleak ebaluazioaren %75a gainditu beharko du, Derrigorrezko zein Hautazko ikasgaietan, masterrean gelditu ahal izateko. Lehen azaldu ez den egoera bereziren bat gertatuko balitz, eta horrek ikasleari masterra garatzea galaraziko balio, Unibertsitate arteko Ikasketa Batzordeak kasua aztertu, eta ikasleari edukiak berreskuratzeko aukera eman ahal izango dio.